محمد الصادق
● اااااحيييي
ينصر دييينك والله
بالجد زياااادة خرااافيييية
محتااااااجة زوووول
يتكلم عنهاااااا
● للاسف بطريقة سرية الشركة ترفع سعر باقات الانترنت بنسبة ٥٠% ودون سابق إنذار مع زيادة غريبة في معدل استهلاك الانترنت
● الايام ديل
شايفين في زيادات مبالغة
وغير مبررة
في هذه الظروف الحرجة
الكهرباء زادوها زيادة مبالغة والاتصالات برضو
زيادات مبالغة
واخيرا
انا ماشفت بنك العملاء
التحويل في نفس التطبيق يخصمو من حساب المواطن
دي ماسمعناها
يعني دا شغل بتاع سرقة عدييييل اذا كان التحويل من حساب بنك لي حساب بنك اخر
معليش ممكن تخصم رسوم التحويل بسيطه
لكن في نفس البنك دا ماسمعناهو نهائي
● اي والله ماممكن كدة
كل ماتجي تنشط تلقي زيادة ووضع الناس صعب😣
● انا شخصيا شريحتي دا بقيت مشغلوا إستقبال بس
فنصيحتي للناس يشتغلوا بالشبكة الرخيصة
● ونحن في القضارف
بالننا بالعطش وعدم الموية
ودرجة الحرارة عندنا ٤٥
حسبنا الله ونعم الوكيل
● دا شغل همباتة عدييل والله
● ياااخ الناس ديل بالننا بل شييين عديل
و للأسف شغلنا اونلاين
يعني لااازم تنشط بصورة مستمرة
بقينا البنجيبه من الشغل بندي ليهم
● الاتصالات وناس الكهرباء والجنجا واااااحد
خاصة إنتو يا ناس الكهرباء متعاونين
واضحة ومكشوفة
● يجب مقاطعة شركات الاتصالات
نلقاها منكم ولا من الدعامه
● اي والله
دا غير سرقة الرصيد من الناس
● حرفيا كل م نجي نعمل خدمه بتكون في زياده مامنطقيه
● نقاطعها وبس
المشكله وين
انا عاملاها استقبال بس
● والكهرباء برضو محتاجه وقفه
لانو الناس ديل
زيادتهم ما بتتقال زاتو
● وأنا كمان عندي مشكله
كل ما أحول رصيد
طوالي بلقاها شالوها
● أنتوا ياناس شرائحكم
بقت تأكل الرصيد
ويتصلوا عليكم تعملوا تُقال
وبعدين كل أسبوع زايدين أسعار باقات الأنترنت
وبعد دا تقولوا (عملاؤنا الكرام)
خليتوا فيها كرم انتوا ؟؟
● ياخ انا عندي رصيد الف ونص
نزلتو امس بالليل
لقيتو مافي
م ممكن معاكم ياخ
● السلام عليكم يا جماعة
انا شريحتي فاقده البيانات
بس بقت مكالمات ساي
ما فيها نت
أعمل ليها شنو عشان استعيد البيانات
● نسدد فاتورة الخط
وفي النهاية إنترنت ضعيف
لدرجة أفضل منه الفيس المجاني
● لدي مشكله في تحويل الرصيد
كلما ما احول رصيد
ابحثه القاه نقص
● عندي شريحة
دايرة اطلعها بدل فاقد
وم عندي الرقم الوطني الأصلي صورة بس ممكن ؟
● ممكن افهم
من امس الشبكة عندنا كعبة لشنو ؟!
● مقااااطعة …..
ماممكن مرة واحدة
تزيدو اسعار الخدمات مكالمات ونت كلها
زيادة غير مقبولة……
ده اسمه استنكاح وشفشفة ،،،،، المواطن يلقاها
من الدعم السريع ولا منكم ؟!
● ديل همباته جد جد
شغاليين شفشفه عديييل كدا بالواضح
● والكهرباء زيادات تقيله يا راكز
● والله اخر قروش عندي
واشتريت بيها تسالي
الحمد لله
تاني ذاتي ما عايزة نت
● ديل طلعوا م سودانين عديل
● والله ياعمك
الحاصل انو الشركه بتستغل ظروف الناس
في زمن كانت ارخص شركه ومريحة لكل الشعب السوداني
لكن بعد ان عدد المستخدمين كترو اكتر
واصبح اكثر السودانيين يستخدموها
غالوا التسعيرة لكل الباقات للانترنت والمكالمات
فالحل عندي انو تدخل شركات اتصال تانية
غير سوداني واريبا وزين
تكون رخيصة ومتاحة
لي كل مستخدمي الشعب السوداني
¤¤¤¤¤¤
من المدوّن :
=======
هذه قطرة من بحر
من سخط الناس وامتعاضهم
من الزيادات الخيالية
في أسعار الخدمات
وخاصة الاتصالات
قبل أكثر من عشرة أعوام
قرأت أن احدي الدول
جعلت في دستورها
أن توفير انترنت مجاني
وبسرعة لا تقل عن ١٠٠ ميغابايت في الثانية
هو حق (انساني) لكل مواطن
واضح من استفسارات المواطنين
أن هناك مشكلة
حتي في التواصل مع استعلامات خدمات العملاء
لاحظت ايضا أنه
عندما تتوقف الخدمة من قبل الشركة
تضيع كمية البيانات
التي تم شراؤها مسبقا !!
▪▪▪▪▪
وختاما لا نجد الا أن نردد
ابيات الشاعر عمرو بن معدي كرب:
لقد أَسَمعَتَ إذ ناديتَ حياً
ولكن لاحياةَ لِمن تُنادي
ولو ناراً نَفَخَتَ بها أضاءت
ولكن أنتَ تنفخُ في رمادِ !!!!!
□■□■□■
نذكّر الناس ..
بالدعاء علي الظالمين
فهو دعاء لا شك مستجاب
الذين أخرجوا الناس
من ديارهم بغير حق
وسفكوا الدماء
وهتكوا الأعراض
ونهبوا الحقوق
وساموا الناس سوء العذاب
[email protected]
المصدر: صحيفة الراكوبة
