أمد/ أيوه يا ابني… فين ايام المعلمين الكبار؟!
ماهو عندك…موالسة الخراب، واتحاد ملاك القضية.
لا دول الصبيان الهرر، بسأل عن المعلمين الكبار اللي كانوا فوق الحزبية و الأجندات، و بعدهم باظت
ما خلاص راحت، معلش يا عمنا..لو المعلمين اهتمت ما كانت الشغلانه لمت.
يا نهار اسود!! ايوة زي ما باقولك كدة.
تقصد جماعة يعيش الوطن وإحنا مش مهم؟
الوطن برضوا؟! عم عشم طلع بلوة مسيحة.
هو كان بيقول أيه..؟! أه.. في أخر كلامه قال: لحقيقة أن سنوات التي حكم موالسة الخراب هنا، واتحاد ملاك القضية هناك. كلَّفت القضية الوطنية ثمنًا فادحًا وأعادتها قرنا إلى الوراء، والحقيقة الأخرى الأكثر إيلامًا، أن تكلفة إصلاح ما فسد ربما تكون أكثر، والحقيقة المُؤكدة والأهم أن نظام موالسة الخراب واتحاد ملاك القضية، لأبد و أن يحاكم يومًا ما…أظنه أقرب مما يتصور البعض.
قلت له: أفكرك قبل مأ سيبك وأقوم، وماله يا خويا حقك…ابقى قابلني. طيب على راحتك.. سلام.. سلام وبرضه انتهى الموضوع على كده.
بعدها كان قاعد يكلم نفسه؟! قال: استمرارهم في الحديث مع انفسهم أصم آذانهم عما يقوله الناس…يتحدثون كثيراً لكنهم لا يقولون شيئاً،
وعلى فكرة. فيه غلطات كتير بتعملها في حياتك ومستحيل تتصلح مهما حاولت. علشان كده مهم قوي إنك تأقلم نفسك على التعايش مع نتائجها زي بالظبط اللي بيتعايش مع مرض مالهوش علاج.
مهم كمان تتقبل فكرة إنك حتقضي بقية عمرك تدفع التمن.. علشان حضرتك لم تدافع عن الحق..وعشان بس ما تقعدش كل يوم تندب حظك كل يوم وتولول على بختك المايل فتكون النتيجة إنك مش بس حتزهق من عيشتك لكن حتتعب اللي حواليك كمان.
صدقني وما تستغربش ده قانون من أهم قوانين الحياة، وإذا كنت شايفه مش عادل فدي مشكلتك إنت مش مشكلة الحياة. و دي الجريمة الكبرى اللي اتعملت في حق الشعب .. يعني ممكن أسامح موالسة الخراب، وكمان معهم اتحاد ملاك القضية على كل شيء وأي شيء إلا دي.. قتل روح الشعب وانقسامه، وقيمه، هي جريمة الجرائم.. عارف لو قتلت المحرقة الكثير منا، لكن الشعب لسه قيمه وأفكاره وسلوكه وقرارته بيدعموا الوحدة والمبادرة والإبداع والتحدي ورفض الظلم وعدم القبول بالقهر.. ممكن أقول لك إنه الشعب ده جواه بذرة هتقوم تاني في يوم من الأيام وهيبقوا حاجة.
لكن بعد تنفيذ مخطط الانقسام والخراب الصهيوني؛ وسيطرة موالسة الخراب هنا، واتحاد ملاك القضية هناك، واشتعال المحرقة الكبرى..الشعب اتقلت روحه واتضرب في نفسيته،.و ده مش هيقوم قبل ما يموت جيل أو جيلين على الأقل ويا عالم اللي بعدهم هيكونوا تعافوا ولا لسه.
وعلى أي حال..اللي عمله حكم موالسة الخراب، واتحاد ملاك القضية منذ تنفيذ مخطط الانقسام والخراب الصهيوني، حتى اليوم.. سواء على المستوى الوطني، او الأجتماعي والاقتصادي أو النفسي، ضيع على القضية الوطنية القرن اللي احنا فيه ده كله…يعني لو اتحاكم موالسة الخراب ومعهم اتحاد ملاك القضية ألف مرة؛ قضية شعبك مش هتبقى تجاوزت الميراث القذر اللي انتشر في جسم القضية، و المجتمع..مثل الورم الخبيث.
لن ينصلح للوطن حال، ولن تستقيم له اوضاع، الا باندثار خطة الانقسام الصهيونية، وزوالها منه الي غير رجعة، ومحاكمة المتنفذين…هم ابشع واخطر صور التخلف في الفكر والقيم والسلوك؛ وتنفيذ خطة الانقسام والخراب، التي غسلت الادمغة، ولوثت الافكار، وسممت العلاقات، وفككت المجتمع، وحولت مشاعر الولاء والانتماء من الوطن الي خارجه، فمخطط الخراب والانقسام الصهيوني والحزبية بكل امراضها واخطارها ورذائلها، هي بؤرة الخراب التي زرعها الصهاينة في بلدنا ومجتمعنا، لتدمير القضية الوطنية لتنهشها، وتدميرها من داخلها، لترجع بها للوراء وتخرجها من التاريخ لتعيش عصرا آخر لا علاقة له بالتحديات الراهنة، والتي تستدعي وحدة الشعب وتكاتفه وتسانده لكي يواكب حركة الزمن، وليكون له مكان علي خريطة العالم.
عارف، الأصعب من مخطط الانقسام والخراب الصهيوني اللي كلنا بنعاني منه حتى الآن إيه؟
إننا فقدنا الخيال وفقدنا الأمل. هي حاجة كده زي “قطع الخلف” اللي ما حققش أي أمل في حياته صعب يتصور إنه ممكن يحققه ويمكن صعب كمان يعرف يعني إيه أمل يتحقق.
خلال سنوات الانقسام والخراب اللي فاتت يعني من أول ماتم تنفيذ هذا المخطط الصهيوني، ما حققناش ولا أمل، تصور!! أنا بأكلمك عن أمل للشعب كله. أمل إنه يبقى مستقل حر. أمل إنه يعيش أحسن. أمل إنه لما يمرض يتعالج. أمل إنه ما يبقاش خايف من بكره…ولا أمل من الآمال الشخصية، او العامة دي اللي لو حطيتها على بعضها تبقى آمال الشعب اتحققت. تصور!
زمان قرأت عبارة بليغة وبالغة الدلالة مش فاكر لمين بتقول ما معناه “من لم يعِش الحرية لا يستطيع تخيلها”. هذا رأيي والله أعلم.
