“صراصير وفاكهة بايظة”.. عمال يكشفون كوارث تحدث بـ 5 أماكن- أبرزها المطاعم
06:00 م
الثلاثاء 22 أغسطس 2023
كتبت روان شريف:
“شحم على العجين”، “مطبخ مليان صراصير”، “الزيت بيقعد 10 أيام ميتغيرش”، “فاكهة بايظة”، كوارث تم الإفصاح عنها بواسطة أشخاص عملوا لبعض الوقت في فنادق، ومطاعم وأيضا شركات شهيرة.
جاء ذلك في منشور إحدى الصفحات عبر موقع التواصل الاجتماعي “فيسبوك”، والذي طلب فيه القائم على الصفحة من الناس، نشر تجاربهم في العمل مع مختلف المطاعم والفنادق والشركات، لتوعية الناس، وتمثل المنشور في الآتي: “البوست ده مهم جدا، الناس اللي اشتغلت في مكان ياريت تنورونا بالبلاوي اللي شافتها فيه، واحنا هنحاول ننزل سكرين في الكومنتات عشان نوضح للناس”.
حاز المنشور على تفاعل كبير جدا من مستخدمي التواصل الاجتماعي، وجاءت أبرز التعليقات كالآتي: “كنت شغال في مصنع مخبوزات لأحد محلات الأكل السريع، وكنت واقف على الجهاز اللي بيقطع العجين، والجهاز كان بينزل شحم على العجين، فبقول للمشرف في شحم بينزل على العجين فقالي اشتغل اشتغل مش هيحصل حاجة، والحمدلله مشيت منها”، “كنت شغال في مطعم فرايد تشيكن والمطبخ كله مليان صراصير والزيت كان بيقعد بالـ 10 أيام مبيتغيرش، ومفيش نضافة خالص في الفراخ”.
وعلق آخرون: “اشتغلت في فندق 5 نجوم كنا بنعمل شربات للأفراح كنوع من أنواع الـ welcome drink، وكان معانا عيال من الاسطف بيتفوا للزباين في حلة الشربات”، “صاحبتي باباها عنده محل فاكهة في سوق العبور ومصانع المربى بتيجي تشتري منه الفاكهة البايظة”، “كنت شغال في مطعم في الساحل الشمالي بتاع مشويات والتلاجة بتاعت اللحوم ممكن وانت بتفتحها يغمى علي من الريحة، اللحوم بتبقى فاسدة وكانت بتتشوي عادي وتتباع للزبون والريحة بتتخفي بالتوابل”.
اقرأ أيضًا:
وسط ذهول وصدمة.. طيار يقوم بتصرف غير متوقع في المطار ماذا فعل (فيديو)
موقف رائع من ميسي تجاه زميله قبل رفع كأس بطولة الدوريات.. هذا ما فعله
“هذا أسوأ ما رأيت”.. أم تثير الجدل في حفل زفاف ابنتها.. ماذا فعلت؟
عن طريق الخطأ.. امراة برازيلية دُفنت على قيد الحياة لمدة 11 يوما.. هذا ما حدث لها
رد فعل غير متوقع لـ كلب ترك وحيدا في المنزل.. ماذا حدث؟
