11:44 م
الإثنين 07 أكتوبر 2024
كتب مروان الطيب:
كشف نديم نجل الفنان مجدي عبيد عن السبب وراء عدم دخول والده غرفة العمليات بعدما كان من المقرر أن يخضع لعملية جراحية في القلب اليوم الاثنين، ولكن تم تأجيلها لوقت لاحق.
تواصل مصرواي مع نديم نجل الفنان مجدي عبيد وكشف في تصريحات خاصة تفاصيل تطورات حالته الصحية وقال: “إحنا خدنا وعد من الدكتور مدير وحدة القلب بالمستشفى، إننا ندخل العمليات في خلال يومين تلاتة، والدكاترة شافوا إنه في حاجة إلى عدد من البالونات، وإن ده أفضل من اللي كان متجهز له النهاردة”.
وتابع نديم “الحالة مش مستقرة وعندنا انسداد في الشريان الرئيسي بنسبة 80%، وهو عمل قبل كده عمليات كتير في القلب ومركب إجمالي 6 دعامات لحد دلوقتي ومن المفترض نركب حوالي 3 تاني، غير البالونات اللي هي هتركب مكان الدعامات المسدودة”.
واستكمل: “الوالد مبطل تدخين من 2020 من بعد جلطة المخ، والموضوع كان تراكمات سنين، وقبل 2020 كان فيه اكتر من دعامة متركبين، ونقابة المهن التمثيلية برئاسة الدكتور أشرف زكي بيتابع معانا باستمرار والأستاذة نهال عنبر وهي بتتابع بشكل مباشر، وأشرف زكي بيتابع من وقت للتاني مش بس من واقع مسؤوليات النقابة ولكن بواقع الصداقة بينه وبين والدي، ولما مدخلناش العمليات النهاردة مكناش فاهمين إيه السبب؟، والأستاذة نهال عنبر تواصلت مباشرة مع الدكتور المتابع للحالة والدكتور تواصل معانا وقالنا إن الأفضل إننا نستنى يومين تلاتة”.
مجدي عبيد ممثل ومخرج مسرحي قدم خلال مشواره الفني عددا من الأعمال الفنية الهامة منها: (صندوق الدنيا، أبو العروسة، الكبريت الأحمر، مولانا، أفراح القبة، تحت السيطرة).
ويعد دور أبو الروس في مسلسل “حديث الصباح والمساء” من أشهر أعمال الفنان الكبير مجدي عبيد.
اقرأ أيضا:
بعد أزمة حذف أغانيها.. تعرف على موعد ومكان أول حفلات شيرين عبدالوهاب
“مجاملات ومصالح”.. جوري بكر تطالب بإلغاء مسابقة ملكة جمال مصر
