عادل إمام يفاجئ شريف عامر بمداخلة هاتفية في أول ظهور له منذ سنوات

01:05 ص


الخميس 18 مايو 2023

كتب محمد أبوالمجد:

هنأ الإعلامي شريف عامر، الفنان عادل إمام بعيد ميلاده الـ 83، قائلًا: “كل سنة وإحنا طيبين بيك”، ليرد الزعيم، قائلًا: “وأنت طيب يا شريف وأنت طيب حبيبي”.

وقال الإعلامي شريف عامر للزعيم عادل إمام: “أنا مبسوط إني بكلمك كنت طالب من الاستاذة يسرا تقولك كل سنة وأنت طيب، انت عارف قيمتك عندنا ولا لأ”، ليرد الزعيم: “لا قول أنت”.

وأضاف “عامر”: “قيمتك عندنا أنك علمت بنتين من بناتي عربي، وكنت باخد إجازات عشان بس أروح فيلم لعادل إمام”، ليرد الزعيم: “أنت عايز تقولي إني إنت ابن ناس، وأن بناتك مش بيعرفوا عربي”.

وأوضح شريف: “أقول فضلك ايه ولا ايه ولا ايه في اللي بيتكلموا عربي بيضحك وبيبتسم حتى قبل ما يشوف شغل عمله، ودا اللي حضرتك حمدت ربنا عليه في يوم من الأيام”، ليرد: “وانا بشكرك يا شريف”.

وأضافت الفنانة لبلبة: “أنا مبسوطة أننا كلنا مع بعض وربنا دايما يخليه لنا ونبقى دايما قريبين منه والحقيقة دي كانت مفاجأة” ليرد الإعلامي شريف عامر: “الناس كلها هتبقى فاكره إني عارف أي حاجه، والحقيقة انتي يا استاذة لبلبة ادتيني هدية كبيرة أوي النهارده”، لترد لبلبة: “أنا دخلت عليه ومكنتش عارفه إن الناس اللي بيحبوه كلهم حواليه، وكل سنة والاستاذ طيب”.

واحتفل عادل إمام، أمس الأربعاء 17 مايو، بعيد ميلاده الـ83، بصحبة مجموعة من الفنانين المقربين من الزعيم.

وتصدر عادل إمام الترند خلال الفترة الماضية، وذلك بعد انتشار شائعات عن مرضه بـ”الزهايمر” خلال الفترة الأخيرة، وأكد مقربون منه أن كل ما تردد في الآونة الأخيرة لا أساس له من الصحة، وأنه في صحة جيدة.

وكان آخر أعمال عادل إمام مسلسل «فلانتينو» في 2020، والذي شاركه البطولة فيه الفنان الراحل سمير صبري والفنانة الراحلة دلال عبدالعزيز.