سارة نخلة تدعم تصريحات ياسمين الخطيب المثيرة للجدل: “مش أي ست تقدر تعمل كده

10:52 م


الإثنين 22 مايو 2023

كتب مروان الطيب

تطرقت الفنانة والإعلامية سارة نخلة عن التصريحات المثيرة للجدل الخاصة بالإعلامية ياسمين الخطيب وبالأخص تصريحاتها ببرنامج “تابو” تقديم نزار الفارس والتي تم عرضها على القناة الرسمية للبرنامج على “يوتيوب” وأثار خلاله جدلاً كبيراً بالساعات القليلة الماضية.

وفي مقدمة نارية لـ ياسمين الخطيب قالت سارة نخلة “اسمها لوحده تريند بس تيجي سيرة ياسمين الخطيب مفيش حد مبيعلقش، وأنا وياسمين مش صحاب عشان تعليقي على تصريحاتها مش عايزاه يتربط بحاجات شخصية وأنا بحب الست الحرة اللي بتعرف تاخد حقها بإيديها”.

واستكملت “أنا مابحبش الست اللي بتخاف من حد ولو حد خد منها حاجة تحط صباعها في عينه واحترمت الكلام اللي قالته في البرنامج لكن في حاجات قالتها أثارت الجدل”، وعلقت “سارة” على تصريح ياسمين الخطيب الخاص بعدم تقديمها تنازلات مما تسبب في تأخرها وعدم تحقيق النجاح بمسيرتها”، وردت قائلة “بحترم كل بنت قادرة تحافظ على نفسها ولا تقبل بأي تنازلات من أجل الشهرة أو منصب، انتوا صح وكل الدعم ليكي يا ياسمين”.

وأنهت سارة نخلة تعليقها قائلة: “ليكي مني كل الدعم وكل الحب تحديداً في موضوع التحرش بنات كتير أوي زي ماقولتي بتتعرض للتحرش بس في بنات بتخاف تقول أنها تعرضت لموقف تحرش، واحترمتها لما قالت في حد جرب يعمل كده واديته بالقلم مش أي ست تعمل كده