خالد سليم عن عادل إمام: ” لما شفته حبيته أضعاف وكان بيعزمني وأروح وأقعد معاه”

01:57 م


الجمعة 30 يونيو 2023

كتب مصراوي:

أعرب الفنان خالد سليم عن حبه لـ”الزعيم” الفنان الكبير عادل إمام، خلال لقائه ببرنامج حبر سري مع المذيعة أسما إبراهيم المعروض عبر شاشة القاهرة والناس.

وتابع “قعدنا فترة طويلة كان فيه بينا تواصل بعد ما اشتغلنا سوا وبعدين أنا ببقى حساس من ناحية إني بكون مش عايز أزعجه”.

وأضاف: “أنا من أحد معجبينه ولما شفته واتعاملت معاه حبيته أضعاف .. ده شخصية عظيمة وحاببني وعايزني أبقى أحسن”.

واستكمل: “وبعد فترة حسيته مشغول ومش عايز أتقل عليه فخليت الموضوع بيني وبين رامي أكلمه وأتطمن عليه منه فبخاف أكون بتعدى حدود أو بتكلم في وقت مش مناسب وهو كذا مرة كان بيعزمني وأروح وأقعد معاه”.

جدير بالذكر أن خالد سليم شارك في بطولة مسلسل للنجم عادل إمام، حمل عنوان “مأمون وشركاه” وتم عرضه عام 2016، من إخراج رامي إمام، بطولة لبلبة، خالد سرحان، مصطفى فهمي، تامر هجرس.