بدرالدين محمد
حنيني اليك ما بتقال
بحر من شوق
يفيض آمال
حنيني اليك ما بتقال
حنين لمقرن النيلين
حنين للغابة
ونيلنا المويته زي سلسال
حنيني اليك ما بتقال
حنين بيفرح العشاق
حنين بيناغم الاشوق
حنين زي نيل
حنين دفاق
حنيني اليك ما بتقال
حنين لجامعة النيلين
حنين لفندق السودان
حنين للكاميرا والكاسيت
حنين لعهد مهد صباي
حنيني اليك ما بتقال
حنين لستة من ابريل
حنين لاشراقة الالوان
حنين كمّين
حنين اطنان
حنيني اليك ما بتقال
حنين من نمولي لحلفا
حنين للتاكا ونهر القاش
حنين مخلوط من دارفور لكردفان
حنيني اليك ما بتقال
حنين اكبر من الاشعار
حنيني وطن
حنين سودان
[email protected]
المصدر: صحيفة الراكوبة
