تصدر الفنان أحمد العوضي، تريند محركات بحث جوجل فور ظهوره ببرنامج صاحبة السعادة، والتي تقدمه الاعلامية والممثلة القديرة إسعاد يونس، وكشف الفنان أحمد العوضي الصعوبات التي واجهته أثناء العمل مع زوجته الفنانة ياسمين عبد العزيز في مسلسل ضرب نار، ومسلسل اللي مالوش كبير.
وأضاف: “مش واخدين قرار إننا نكون ثنائي، حسب الموضوع اللي قدامنا، ولما عملنا اللي ملوش كبير ونجح حبينا نوثق النجاح ده بضرب نار وممكن السنة الجاية منبقاش مع بعض ورمضان اللي بعد نرجع وهكذا”.
أحمد العوضي: السوشي بيتاكل إزاي أصلا؟!
وتابع:” أنا لحمجي، أي حاجة فيها لحمة تمام كبدة تمام، ومليش في المحاشي، وياسمين بتحب السوشي ولو كلت السوشي والأكل ده أحس إني ارتكبت جريمة، يعني آكل عكاوي، كوارع، لحمة رأس، فتة، أنما سوشي والحاجات دي بيتاكلوا إزاي”.
وقال: “كان لينا هدف أنا وياسمين إننا نقدم حاجة حلوة، ومسلسل حلو عشان الناس مستيانا بعد اللي ملوش كبير، وجت من هنا فكرة ضرب نار”.
وواصل:” الشغل مع نجمة بحجم ياسمين عبد العزيز سهّل عليا، وإنما الصعوبة إنها مراتي، مبنعرفش نفصل بس سهولته أحسن من صعوبته لأننا واخدين على بعض وبنكمل بعض وبناخد بالنا من الشغل، ولو فيه خلاف في الشغل اللي بيقنع التاني يكسب، ممكن حد فينا يعند”.
واختتم: “أنا معتز جدًا بتنشئتي وبحب طفولتي في عين شمس”.
آخر أعمال أحمد العوضي
والجدير بالذكر آخر أعمال الفنان أحمد العوضي مسلسل ضرب نار بطولة النجمة ياسمين عبد العزيز والذي حققوا نجاحات واسعة في الوطن العربي.
ملحوظة: مضمون هذا الخبر تم كتابته بواسطة الفجر ولا يعبر عن وجهة نظر موقعنا وانما تم نقله بمحتواه كما هو من الفجر ونحن غير مسئولين عن محتوى الخبر والعهدة علي المصدر السابق ذكرة.
